(Rusiyalı neyrobioloq Konstantin Anoxin)
Mütəxəssislər ilkin mərhələdə fundamental dil modelinin əlavə təlimə ehtiyac duymadan sabit seçim irəli sürə bilib-bilmədiyini sınaqdan keçirdilər: model müsbət nəticə verməyib. "Yandex"in Sİ texnologiyalarının inkişafı üzrə direktoru Aleksandr Kraynov "TASS"a müsahibəsində diqqətə çatdırıb ki, növbəti mərhələdə isə Sİ-nin mümkün düşüncələri üzərində təcrübə aparılacaq. Müəyyən addımlarla stimul yaradılaraq onun sərbəst fikir yürütməsinə çalışılacaq. Bu təcrübədə modeldən müəyyən suallara cavab verməsi, eyni zamanda, seçimini əsaslandırması istəniləcək. Beləliklə, Sİ-də insan inanclarına oxşar konkret daxili qənaətlərin formalaşıb-formalaşmadığı üzə çıxarılacaq:
("Yandex"in Sİ texnologiyalarının inkişafı üzrə direktoru Aleksandr Kraynov)
|
| Süni intellekt insan beyninə qarşı: Hansı nədə güclüdür? |
"Biz insanlar öz zehinlərimizə mütəmadi təlim keçirik. Bu, fikirləşdiyimiz əsnada avtomatik baş verir. Süni intellekt isə yalnız "başqalarının düşüncələri" əsasında öyrənir. Sİ-ni öz mühakiməsi üzərində formalaşmağa istiqamətləndirə bilsək, onda öz sərbəst baxış bucağına malik model əmələ gələcək. Məqsədimiz Sİ-də təkid və təqliddən azad daxili qənaəti meydana gətirməkdir".
"Yandex" mütəxəssislərinin fikrincə, Sİ-də sabit seçimlərin mümkünlüyü üzə çıxarsa, deməli, onda insana xas şəxsiyyətin, xarakterin, təfəkkür və dünyagörüşünün inkişafı da mümkündür: "Bu yeni yanaşma süni intellektin potensialını daha dərindən anlamaq, mövcud modellərin imkanlarını aşan problemlərin həllini töhfə vermək, texnologiyanı şüurlu düşüncəyə yaxınlaşdırmaq məqsədi daşıyır".
Firudin Həmidli
AzVision.az
Vaxtında, Aydın, Lazımlı!
-1780470666.jpg&h=190&w=280&zc=1&q=100)
-1780404767.jpg&h=120&w=187&zc=1&q=70')
